VV de Beesterbolle

Ut begîn

Ut ontstaon van V.V. de Beesterbolle

Op unne maondjig In fibberwarie 1990 staon zoeën 20 klânte van kefee de Hook te wachte op de leste persoeëne de-j mej wiltje gaon nao ut boorebâl in de stat.

Op ut leste mement kaomtj Eduard van Winkel aan geloûpe.

Hae haaj zeên hant vôl met bolhoedjes.

“Waat mótte vae dao met doôn?, vrooge um un paar boorebâlgengers.

Jao zach Eduard as eederein dae mejgieët unne hoot opzetj dan kan hieël Wieërt zeen det vae van de Beest zeen.

Woeë-aan dan vraog Albert de kastelein, kaomtj van di-j kruk aaf, zach Eduard en kiektj mer us waat d’r op stiet.

BEESTERBOLLE laezje Albert, woeë sleutj det dan op vroog hae.

Kietj mer es um uch hieën, antwoeërtje Eduard, waat zeêje heêj aan de toog zitte,

benao eederein dae hietj unne gooje boêk of tewaal unne bolle, dînktj mer us een Bolle Jan, dae haaj unne flînke boêk.

En det bolhoedje waertj ouch waal bolle geneumtj.

En vae zitte heêj oppe Beest, dus vae zeên BEESTERBOLLE.

Later det jaor kwaame alle vereîniginge de-j hun toêsbasis be-j kefee de Hook haaje, saame um un vastelaovundjbâl te organisiere en um oet ein van dies vereîniginge unne kefee-Prins te keêze.

Ut ieërste bal woeër gehaoje in fiberwarie 1991 en Bér vanne Viever (Smeets) waas de ieërste kefee-Prins van V.V. de Beesterbolle.

In 1992 woor Joop van Hoof kefee-Prins en in 1993 waas det William van Rens.

In 1994 kwaam Pierre van Veldhoven as kefee-Prins in bieëltj.

Hae koch vör zien eige un nów prinsemuts en alle lede kriêgtje van eum un muts en medaâlie. De-j prinsemuts draagtj hae nów nog alzelaeve, mer dan in de funksie as ceremoniemeister.

Hae waar ut ouch dae saame met William van Rens un begin maâktje met ut bezoëke van resepsies van vastelaovundjvereinigingen, wi-j V.V. de Vêrkusköp, V.V.de Schäöpkus en V.V. de Moezevangers.

In 1995 woor Peter Vaes kefee-Prins en in 1996 waas Henk van Tongerloo de leste kefee-Prins van V.V. de Beesterbolle.

Ouch Peter en Henk gonge nao ettelike resepsies.

Uutbreiïng van de aktiviteite.

Alsmer mieër woor d’r gekaltj um met vastelaovundj mier nao boete te traeje met de Prins vanne Beest en um roóntj de vastelaovundj mier aktiviteite te haoje.

Dieëze roóp woor alsmer haarder en 1997 mós dan ut jaor waere waorin de ieërste groeëte traeje genaome woeërte. D’r woeër unne persoeën gezóchtj dae os daobeej kos hêllepe, dieëze woor gevonge in de persoeën van Jos Verhaag, aoj Beestenaar.

Nao ettelike vergaderinge woor vae d’r uut.

In plaats van unne Prins woor unne Kestieëlhieër met Kestieëldame uutgeroepe.

Vuuër de naam Kestieëlhieër woor gekoôze umdet oppe Beest de kestieelen van Wieert zeên gelaege en umdet d’r mer eine Prins van Wieert is namelik de Rogstaekers-Prins.

De Kestieëlhieër es of inwoeëner of hietj unne stêrreke bânt met de Beest.

D’r woeërt nów klei-jer gekochtj vör de Kestieëlhieër en de Kestieëldame en d’r kwaam unne nöwe scepter.

De uutroeping vanne Kestieëlhieër gebuuërtj op unne Kolderieke-Aovundj, met optraejes van ettelike artiste, d’r waertj aan de Kestieëlhieër met zeên Kestieëldame un resepsie aan geboôje en wieter waertj d’r un vastelaovundjbâl en unne wichterhosmiddig gehaoje.

Vriêdig 10 janewarie 1997 woeër ut zoeë wîet de ieërste Kestieëlhieër vanne Beest woeër bekintj gemaâktj, ut waas Henrie I (Buis) Kestieëlhieër vanne BEESTERBOLLE en ziên Kestieëldame Esther