Op vriêdig 21 fibberwarie 2025 begintj um 20:00 oor de Internationale Jubiläumssitzung in ’t Franciscushoês.
As pebliek zitdje aan lang taofels met groeëte pulle beer en d’r és volop dâns en meziek, mét ânger wuuërd: gae zeetj aanwieëzig beej ’n echte Duitse Sitzung.
Dieës fieëstelike zitting benaodröktj ’t 9×11-jaorig bestaon van Stadsvastelaovendjvereînging De Rogstaekers en stieët taeves in ’t teîken van ’t feit, det Wieërt doeër de Närrische Europäische Gemeinschaft és uutgeroope tot ‘Närrische cultuurstad 2024’.
Gae kuntj optraejes verwachte van Beppie Kraft, Marjolein Heijltjes en de spectaculaire Kölnische dânsgroep die Höppemöttzjer.
Mer ouch van diverse Wieërter Vastelaovendjartieste en kepelle, zoeë wi-j dao zeen:
de Vâlse Loef, de Kompeni-j, Vae Saame, Hermeni-j Vannix, Gootgemootj, Laurens Vossen, Patrick Hendrikx, Deindânger, de Köpkes, de Broods Brothers, de Boys vanne Wertha, Mark & Wilhelmien, Mark Gruijthuijsen en Stephan Wolter.
De entreepriês és € 7,50 p.p.
VV de Beesterbolle kome um 19:30 beejein beej os vastleaovendj hoeës Cafe zaal de Hook
