As nówwe Kestieëlhieër wil ich mich gaer aan uch vuuërstelle

Hallo Beesterbolle, Beesterbollinnen

en Beesterbölkes heej bin ich dan eure Kestieëlhieër 2020:

Marcel I

Ich bin zieer verieerdj en bli-j det ich dit jaor eure Kestieëlhieër moog zeen.   

Unne lang verwachdje droum weurdj werkelikheid.

Miene naam es Marcel Bergmans, ich bin 52 jaor en bin geboeëre en opgegruuëdj op de Irenelaan op Moesel. Ich kom u ut un klein gezin en ich heb 1 zus, Yvonne Nies, Heure mins, mien Zwaoger es Peter Nies. Peter es lid van vv de Rogstaekers woe hae onger angere de optocht mede verzörgdj.

Vastelaovundj es os met de paplieëpel in gegaeve. mien vader Harry Bergmans es ein van de oprichters van vv de Kauvers en van jongs aaf aan bin ich altieëd mei-j gewaesj met de vastelaovundj. Uuteindelik hebbe de jongere de vereiniging voort gezatte. Nao völ jaore zeen mien vrâw en ich gestoptj beej de Kauvers en oever gestaptj nao vv de Spelbraekers, en veur det vae wichter krieege hebbe vae actief met gedaon met optochten en ut toet en blaosfieest.

Waat ut waerik aangieet, nao mien studie heb ich 8 jaor gewaeriktj in os femiêliebedrief Autoschade Bergmans aan de Kanaalstraot, dao nao heb ich 3 jaor gewerktj beej verfgroeêthandel Jack Eyck. Vanaaf 2000 bin ich waerikzaam in de IT business. Hede ten daage bin ich zelfstandig ongernemer as Business Intelligence Specialist en haoj ich mich bezig met technologische vraogstûkke.

Op mien 23ste heb ich mien vraw Joan lieere kinne op un schoen vekansie op Mallorca, Joan es 50 jaor en keumtj uut Dublin – Ierland. Nao 2 jaor kwoom Joan nao Nederland inmiddels zeen vae al mieer as 25 jaor getrouwdj en hebbe un gezin met 2 schoeen dames, Shannon 20 jaor en Sinead 17 jaor aod. Vae woendje ieerst op de Houtzaagmolen en now al 20 jaor oppe Graanmolen.

Ut es noets stil beej os in hoes. Vae zeen un laevendjig gezin en hou-je van Fieëste. Joan waeriktj al hieel völ jaore beej McDonalds en es un begrip beej McDonalds in Ni-jwieërt. Joan es hieel gemaekelik in contacte legge en kintj onger tusse al mieer minse in Wieërt dan ich zelf.   

Vae zeen altieed in vör un fieësje en hou-je van sociale contacte.

Vae hebbe jaore actief mei-j gedaon met de buurtvereiniging de Graanmolen, en ich bin auch nog 10 jaor vuuerzitter gewaesj, naodet ut ledental terrök leep zeen vae gestoptj met de vereiniging en hebbe ut MOP, Molenakker open Podium, georganiseerdj dit weurdj inmiddels beej Cafe-Zaal de Hook gehou-je.

Mien hobby`s zeen haardloupe, wielrenne, fieëste en vastelaovundj veere.

Met vastelaovundj maake vae dör same un fantastisch fieëst van en det onger mien devies:

Met vul kabaal en gebrul drinke vae uut mien slumme pul

Orde van de Slumme Pul