VV de Beesterbolle

Kroeënpreenses Celina I

                                        nnnnnnnnnnnnn         

As eur Kroeënprinses & gevolg wille vae os gaer aan uch vuuërstelle

Vae zeen Celina Keulen, Javiera Ras en Imme Leijendeckers.
Ich, mer ouch mien adjedânte, zeen bli-j det vae dit sezoen vuuër moôge gaon in de vastelaovendj van 2020.

Kroeënpreenses Celina

Ieërst stel ich, kroeënpreenses Celina, mich efkes vuuër.
Ich bin 11 jaor en zin in groep 8A van OBS Muuëlenakker, beej juffrâw Kitty.

Ich bin ’n dochter van Raymond Keulen en Diana Keulen-van der Linden.
Saame met mien zösterke Jony woeëne vae inne Boermansstraot. Of meschiens al oppe Beest. Want op ’t memênt det ich dit schriêf, stieët os hoês te koûp umdet vae wille verhoeze nao de Beest.

Ich veer al vastelaovendj vanaâf det ich ongevieër ’n hâlf jaor aod waas.
Ich zit saame met ’s pap, ’s mam, mien zösterke en ’n deîl ânger beej ’n klein vastelaovendjvereiniging: V.V. de Ziëmelezeîkers.
Ich leep ouch altiêt mej in de wichteroptocht, totdet ich huppelpupke werd beej V.V. de Rogstaekers. Det doon ich dit jaor vör ’t veerdje en leste jaor.

Naeve vastelaovendj veere heb ich ouch nog ’n deîl ânger hobbies.

Ich gaon eedere waek met völ plezeer nao de scouts van scouting St. Maarten.

In miene vreeje tiêt teiken ich gaer.

En vuuërâl ônger aetestiêt zanik ich toês de oeëre vanne kop.

Twieë kieër inne waek gaon ich bokse beej “De Weerter Ring” van Aito Köster.

Daorum heb ich dieës passendje ongerscheiding ingesteldj:

De orde van

de zanikbóks

As adjedânte heb ich twieë vriendinne gekoeëze:

Javiera en Imme

Javiera Ras es ’n dochter van Ricardo Ras en Anita Ras-Roijakkers. Javiera hultj völ van zeenge. Ze hieët ’n zösterke van twieë jaor aod, det hetj Engrácia.
Javiera en ich kunne bekâns neet zônger mekaar. Dit jaor veertj ze vör ’t ieërst écht vastelaovendj.

Imme Leijendeckers es ’n dochter van Bart Leijendeckers en Nikkie Kessels en hieët ’ne broor, Juul.

Imme zitj net as ich beej scouting St. Maarten, en teikene deut ze ouch hieël gaer.

Imme veertj ouch al van jóngsafaan vastelaovendj en zitj ouch beej vastelaovendj vereiniging de Zieëmelezeîkers.

Saame met de Beesterbölkes en met uch en eederein gaon vae d’r ’n geweldjig sezoen van maake en zulle vae vuuër gaon ônger oeës devies:

Vae laote de beinkes

zwieëre en zwejje

En laote de vastelaovendj oeëver

de Beest haer wejje