Kroeënprinses Keet1

Kroeënprinses 2024 : Keet1

Miene naam és Keet, ich bin 12 jaor en woeën saame met os mam Christian en zös Josje oppe St. Servatiusstraot in Wieërt.
Mien pap Mathijs woeëntj op Laor.

Ich zit oppe OBS Molenakker in groep 8 beej juffrouw Yvonne en Ivonne en deej 2 kostte mich völ vreeje tiêd
Ich haoj hieël errug völ van bieëste, snuike en van mien vreende en femilie.
Ouch spuuël ich Hockey inne D2 beej HV Wieërt.

Een Kroeënpreenses kin neteurlik neet zônger adjedânte en deej wil ich dan ouch gaer aan uch vuuërstelle.
Dit zeen mien 2 adjedânte, Dirkje Hanssen en Jasmijn Wulms.
Dirkje zitj beej mich inne klas en Jasmijn zitj beej mich oppe hockey.
En saame gaon vae d’r tieëge aan.

Ich heb neteurlik ouch ’n medaalie.
En dét és de Orde van de Vergaetmöts.

Det keumtj umdét ich noch al es wat wil vergaete, dus as ich iets of eemus vergaet, dan wejjae woerum.
Op deej medaalie stieët ‘ne snuikzak want ich haoj van snuike, ’n paert, want paertri-je és ouch ein van mien hobbies, ‘ne hockeystick en ’n teikening van Brut de hoond van mien oeëm en tante, det es miene beste vreend.

En waat blieftj d’r dan noch oeëver, mien devies, en dét wil ich now met jullie daele.

Met ’t kruuënke oppe kop
Veere vae vastelaovendj non-stop