VV de Beesterbolle

Kroeënpreens Luke I - Kroeënpreenses Minthe

nnnnnnnnnnnnn         

Vae zeen Luke de Vreeze en Minthe Schaeken en herstikke gruuëts det vae uch dit sezoen vuuër moge goan als eur Kroeënpaar 2019!

Ieërst wat mieër oeëver Kroeënpreens Luke I.

Ich bin 12 jaor en zit in groep 8b van OBS Muuëlenakker beej meister meester Roy. Ich bin ‘ne zoeën van Jeroen en Jackie de Vreeze en same met mien zus Hanna en broor Cian woeën ich oppe Keurmeesterlaan.

Ich bin geboeëre in Londen, woeë ich de ieërste 9 jaor van mien laeve heb gewoeëndj. Inne vastelaovendjvekansie ginge we dek op bezeuk beej opa en oma in Wieërt. Vae veerdje dan altiêd vastelaovendj, waat ich als klein jong al ein groeët fieëst vong.

Toen vae 2,5 jaor trök nao Nederland verhoeszje waas det best wul spannendj. Gelökkig zeen we super opgevange doeër de femilie in Wieërt en maakdje ich al snel vreendje.

Ich bin ’n echt ongerneemendj type en heb al fleenk wat hobbies opgebouwdj de aafgelaope joare. Zoeë voetbal ich beej SV Laor, zwum ich beej de Rog en gaon eeder waek met völ plezeer nao scouting Hubovra.
Verder ving ich ’t super leuk um te game, woeëbeej ich ouch nog contact heb met mien vreendje in Eengeland. En as ich nog tiêd oeëver heb teîken ich gaer en knuffel ich met mien hamster Gary.


As adjudant heb ich miene beste vreendj en naef gevroagdj. Dit is Jelle Caris, zoeën van Roland Caris en Paula de Vreeze. Met Jelle voetbal ich in ‘tzelfdje team en ouch hae es gek van game. Jelle hieëf ’n groeëte zus Femke. Ouch Femake zal dieëze vastelaovendj fleenk met os met fieëste.

Mer noow genóg oeëver mich, gae wiltj neteurlik ouch wat mieër wieëte oeëver eur Kroeënprinses.

Miene naam es Minthe Schaeken baeter bekindj as Smint, dochter van Ron Schaeken en Heidi Schaeken – Coolen. Same met pap, mam, mien breurke Thijn en hamster Snuffie woeën ik oppe Windmolen. Ich bin 11 jaor aod en en goan noa schoeël oppe OBS Muuëlenakker, doa zit ich in groep 8a beej juf Kitty.


Vastelaovendj veere zitj mich in ’t blood. Oeës mam es jeugdprinses geweisj beej de Heiknuiters. ’t Es dan ouch dubbel zoeë cool det ich dit ouch met moog make.


Op woonsdig, vri dig en zaoterdig bin ich te vînge op ‘t hockeyvêldj. Ich hockey in de D1 van HV Weert. Ich haoj van fieëste en loester gaer nao meziek. Zelf spuuël ich dan ouch gitaar, Same met pap, mam en Thijn spuuël ich ouch gaer bordspelletjes. Ich bin dan ouch ’n echt gezelschapsmins, det heb ich van oeës pap en mam.


As adjudant heb ich mien beste vriendin Noa Cortie, baeter bekindj as Nono, naeve mich staon. Noa is ouch 11 jaor aod en vea zitte inne zelfdje klas.

Noa es ’n dochter van Rogier Cortie en Jolanda Cortie – Jacobs. Same met zien aojers woeëntj ’t op ’t Heerspad. Ouch Noa es ’n fieëstbieëst.


Same met de femilie, de Beesterbölkes en uch gaon vae er ‘n fantastisch sezoen van make en zulle vea uch vuuër gaon ónger oeës devies:


Vae hebbe mer eîn doel,

dieëze vastelaovendj weurtj kei cool!