Kroeënpreenses Janne I
Gooje aovendj allemaol,
Ich bin Janne van den Berg, dochter van Serge en Judith. Mien pap es sinds e jaor of 20 ‘ne reserve Limburger, mam ‘ne echte.
Ich heb 2 broors, Pim en Loek. Dae leste ki-jjae misschien nog waal van e jaor of twieë trök. Aan hem én Kyana heb ich te danken dat ich heej staon, want di-j hebben moch aangestoeëke.
11 jaor trök bin ich geboeëre op Groenewoud. Mette vastelaovendj waer ich 12 jaor.
Pap, mam, Pim, Loek en ich woeëne sinds e jaor of 5 op Husseve.
Nao schoeël gaon och op OBS Muuëlenakker en dao probiertj meister Jordi in groep 8a de peuntjes oppe i te zette vuuër ich nao de middelbare schoeël gaon.
Vastelaovendj veere ving ich geweldig en dan ich al van kleins af aan. Leefst met de hiël familie. Opa’s, oma’s, oeëms, tantes, naefkes en nichtjes.
As ich neet op schoeël bij sprake ich aaf met vriendinnen, gaon och de stad in, neem ich dansfilmkes op, gaon ich nao dansles of knuffel ich met Tommie, oeëze hoond.
Naeve mich staon Mien adjudanten woeëmet we samen e knalfieëst gaon maken ich wil ze gaer effe aan ich vuuërstelle:
Dit is Floor Driessen.
Floor zitj al jaore beej mich inne klas op OBS Muuëlenakker en hieët ouch völ zin inne vastelaovendj. Floor woeëntj oppe Muuëlenakker en is de dochter van Dennis en Ine Driessen.
Papa Dennis is van origine ‘ne Moeëzevânger van Laor en Ine keumptj uut Lampegat.
Floor hieët ‘ne aojere broor Raf dae beej SV Laor voetbaltj en woeëmet t mieëstal good oeëverein kan.
Op schoeël zitj Floor dus net as mich in groep 8a van meister Jordi.
‘t vingtj t vöral hiël gezellig op schoeël en deut daonaeve ouch zien best um gooj punten te hale.
Boeëte schoeël goeët Floor gaer nao dansles beej Fresh. De optrejjes zeen dao waal e hoeëgtepunt.
Daonaeve vingtj Floor t leuk um lekker te chillen en zien streaks op Snapchat beej te houje of filmpkes op TikTok te kieke.
En neteurlik giebeltj ze ouch gaer met alle vriendinne.
Aan de andere kant naeve mich stieët Mila Frenken.
Mila is 11 jaar en zitj beej Floor en mich inne klas op OBS Muuëlenakker. Mila es e dochter van Martijn Frenken en Jamie van der Bruggen. Same met breurke Dyon woeëne ze in Wieërt, op Moesel.
In ziene vreeje tiêd dansj Mila gaer. As 3 jaorige oeëts begonnen beej mini moves en nao ’n uitstapje weer trök beej Fresh in de hiphop les van juf Anke.
Mila taekentj hieël gaer en hieëf daorum bijna altied e schets ook beej zich.
Ouch es Mila gek op sushi, dao kijken m s nachts vör wakker make!
T allerliefst deut Mila leuke dinger metzien vriendinnen en familie. Lekker op vekansie shoppen en neteurlik eerdere maondj nao de dance party.
Mila hieët völ zin um d’r met ze alle ’n groët foeëst van te maken dieëze vastelaovendj.
Vae hebben de orde van de Giebelgeite ingesteldj, want det zeen vae noow einmaal.
En vae gaon ich dit jaor vuuër ônger oeës devies:
Veertj vasteloavendj met Floor, Mila en Janne,
Dan zeejje di-j daag zieëker ônger de panne!
